ශිෂ්‍ය ව්‍යාපාරය සහ ජනතා උද්ඝෝෂණ මර්දනය කිරීමේ ආණ්ඩුවේ ප‍්‍රතිපත්තිය හෙළා දකිමු

මාධ්‍ය නිවේදනය

ශිෂ්‍ය ව්‍යාපාරය සහ ජනතා උද්ඝෝෂණ මර්දනය කිරීමේ ආණ්ඩුවේ ප‍්‍රතිපත්තිය හෙළා දකිමු

රජය විසින් විශ්ව විද්‍යාල ශිෂ්‍යයින් මර්දනය කිරීම ස`දහා දියත් කොට තිබෙන වැඩපිලිවෙලේ කොටසක් ලෙස අද දින (29) කැළණිය විශ්ව විද්‍යාලයේ මහා ශිෂ්‍ය සංගමයේ හිටපු ලේකම් වෙලගෙදර සුමනජෝති හිමි අත්අඩංගුවට ගෙන රක්ෂිත බන්ධානාගාරගත කොට තිබේ. මෙම අත්අඩංගුවට ගැනීමත් සමග  මේ වනවිට සිරගත කරනු ලැබ සිටින ශිෂ්‍ය ක‍්‍රියාකාරීන්ගේ සංඛ්‍යාව පහ දක්වා ඉහළ නැග ඇත. සිරගත කරනු ලැබූ ශිෂ්‍ය ක‍්‍රියාකාරීන් අතර අන්තර් විශ්ව විද්‍යාලයීය භික්ෂු බල මණ්ඩලයේ කැ`දවුම්කරු තැන්නේ ඥානාන්ද හිමියන් ද සිටී.
මේ අතර කැළණිය විශ්ව විද්‍යාලයේ ශිෂ්‍ය ක‍්‍රියාකාරීන් නම දෙනෙක්ට අද දින මහර මහේස්ත‍්‍රාත් අධිකරණය ඉදිරියේ පෙනී සිටින මෙන් දැනුම් දී තිබුණි. ඒ ශාස්ත‍්‍රීය අධ්‍යාපන කප්පාදුවට එරෙහිව විශ්ව විද්‍යාල පරිපාලන ගොඩනැගිල්ල අසල සිදුකළ උද්ඝෝෂණික ව්‍යාපාරයක් සම්බන්ධයෙන් පොලිසිය පවරා තිබෙන නඩුවක් ස`දහාය. එසේම පසුගිය මාර්තු 31 දින අධ්‍යාපන පෞද්ගලිකකරණයට එරෙහිව පාගමනක් සංවිධානය කිරීම සම්බන්ධයෙන් එලැඹෙන ජූනි 04 වන දා අන්තර් විශ්ව විද්‍යාලයීය ශිෂ්‍ය බල මණ්ඩලයේ කැ`දවුම්කරු ඇතුලූ තවත් ශිෂ්‍ය ක‍්‍රියාකාරීන් 18 දෙනෙක්ට කොළඹ මහේස්ත‍්‍රාත් අධිකරණය ඉදිරියේ පෙනී සිටින ලෙස නියෝග නිකුත් කොට තිබේ. මෙලෙස ශිෂ්‍ය ක‍්‍රියාකාරීන් අත්අඩංගුවට ගැනීමේ හා ඔවුන්ට නඩු පැවරීමේ  ක‍්‍රියාවලිය සීඝ‍්‍රයෙන් ඉදිරියට ගෙනයන අතර පොලිස් නිලධාරීන්ව ශිෂ්‍ය ක‍්‍රියාකාරීන්ගේ නිවෙස්වලට යවා ඔවුන්ගේ දෙමාපියන් බියපත් කිරීම ද දිගටම සිදුවෙමින් තිබේ.  රජරට විශ්ව විද්‍යාලයේ මහා ශිෂ්‍ය සංගමයේ සභාපති ලහිරු වීරසේකර සහෝදරයාගේ නිවෙසට මේ මාසය තුළ මෙලෙස සිවු වතාවක් පොලිසිය යවා තර්ජනය කිරීම් සිදුකොට ඇත.
විශ්ව විද්‍යාල ශිෂ්‍යයින්ට එල්ල වී තිබෙන මෙම මර්දනය හුදෙකලා එකක් නොව සමාජය පුරා පැතිරී යමින් තිබෙන ප‍්‍රවණතාවයක එක් අවස්ථාවක් බව අපි අවධාරණය කරමු. වත්මන් මෛත‍්‍රීපාල- වික‍්‍රමසිංහ හවුල් ආණ්ඩුව බලයට ආවේ ප‍්‍රජාතන්ත‍්‍රවාදය තහවුරු කරන බව කියමිනි. එහෙත් බලයට පත්වූ අවස්ථාවේ පටන් ආණ්ඩුව ජනතාවගේ අති මූලික ප‍්‍රජාතාන්ත‍්‍රික අයිතීන් වලට සාහසික ලෙස පහර ගසමින් සිටී. පසුගිය දිනෙක යාපනයේ දී ස්ත‍්‍රී ¥ෂණ සිද්ධියකට විරෝධය පාමින් උද්ඝෝෂණය කළ 127 දෙනෙක් අත්අඩංගුවට ගනු ලැබූ අතර චුන්නාකම් ප‍්‍රදේශයේ උද්ඝෝෂණ පැවැත්වීම තහනම් කරමින් වාරණ නියෝගයක් අධිකරණය මගින් ලබාගන්නා ලදී. එසේම පසුගිය දා තුන්නාන ප‍්‍රදේශයේ පරිසර විනාශයට එරෙහිව ප‍්‍රදේශවාසීන් විසින් උද්ඝෝෂණය කිරීම තහනම් කරමින් .තවත් අධිකරණ නියෝගයක් ලබා දී තිබුණේය. උද්ඝෝෂණ පැවැත්වීම සහ විරෝධතා දැක්වීම මහජනයාගේ අති මූලික ප‍්‍රජාතාන්ත‍්‍රීය අයිතිවාසිකමකි. අපරාධ නඩු විධාන සංග‍්‍රහයේ ප‍්‍රතිපාදන යොදාගෙන එලෙස උද්ඝෝෂණ පැවැත්වීම ‘අපරාධකරණය කිරීම’ බරපතල තත්වයකි.
මේ අතර මැයි 24 දා මීතොටමුල්ල කුණු කන්ද ඉවත් කරන ලෙස ඉල්ලා ප‍්‍රදේශවාසී ජනතාව පැවැත්වූ උද්ඝෝෂණයට අධි පීඩන ජල ප‍්‍රහාර එල්ල කළ පොලිසිය එම ජනතාව විසුරුවා හරින ලදී. එසේම ඊයේ දින (28* කොටකෙතන ද්විත්ව ඝාතන සිදුවීම සම්බන්ධයෙන් යුක්තිය ඉටු නොවීමට විරෝධය පල කොට කහවත්තේ දී පැවැත්වූ විරෝධතාවයක් ද මෙලෙසම පොලිස් පහරදීම් සිදුකොට විසුරුවා හරිනු ලැබීය. තවද පසුගිය දා ඇති වූ සෞඛ්‍ය සේවක වැඩවර්ජනයේ දී අනියම් හා ආදේශක කම්කරුවන් සේවයෙන් නෙරපා හරින බවට සෞඛ්‍ය අමාත්‍යංශය විසින් ගනු ලැබූ බව කියන තීන්දුව කම්කරුවන්ගේ ප‍්‍රජාතාන්තික අයිතියක් වන වැඩවර්ජනය කිරීමේ අයිතිය සෘජු ලෙස උල්ලංඝණය කිරීමකි.
මේ අනුව පෙනෙන්නේ පොලිසිය සහ නීතිය යොදාගෙන මර්දනය කරනු ලැබෙන්නේ ශිෂ්‍ය අරගල පමණක් නොවන බවයි. රජයේ නිල අදහසට විසම්මුතික මතයක් ඉදිරිපත් කරමින් සිදුවන  ඕනෑම ජනතා උද්ඝෝෂණයක් මර්දනය කිරීමට ලක්වෙමින් තිබෙන බව ඉතා පැහැදිලිය. මෙය වහා පරාජය කළ යුතු තත්වයකි. රාජපක්ෂ පාලනය යටතේ සිදුවූ මහජනයාගේ ප‍්‍රජාතාන්ත‍්‍රීය අයිතීන් කප්පාදුව වෙත එල්ල වූ ජනතා විරෝධය දඩමීමා කරගෙන බලයට පැමිණි මෛත‍්‍රීපාල- වික‍්‍රමසිංහ හවුල් ආණ්ඩුව ජනතාවගේ ප‍්‍රජාතාන්ත‍්‍රීය අයිතීන්ට පහර ගැසීම දිගටම කරගෙන යාම බලවත් සමාජ විරෝධයක් ඇති විය යුතු තත්වයකි. අදහස් ප‍්‍රකාශ කිරීමේ අයිතිය, රැුස්වීමේ අයිතිය, විරෝධය දැක්වීමේ අයිතිය ඇතුලූ ප‍්‍රජාතාන්ත‍්‍රීය අයිතීන් ආරක්ෂා කරගැනීම හා ඒවා දිනාගැනීම වෙනුවෙන් පෙරට එන මෙන් අපි සියලූ ප‍්‍රගතිශීලී හා ප‍්‍රජාතාන්ත‍්‍රික බලවේග වලින් ඉල්ලා සිටිමු.
ස්තුතියි
මීට
නජිත් ඉන්දික
කැදවුම්කරු
අන්තර් විශ්ව විද්‍යාලයීය ශිෂ්‍ය බල මණ්ඩලය



අනෙක් අයටත් බලන්න ශෙයා කරන්න >>>