සබරගමු සිසුන්ට එල්ල කළ මැර ප්‍රහාරය හෙලාදකිමු! මිනීමරු ආණ්ඩුවට එරෙහිවෙමු!

අද(10/10) රාත්‍රී 11.00ට පමණ හදිසියේ කඩා වැදුනු 20 දෙනෙකුගෙන් පමණ සමන්විත කඩු, පොලු, මුඟුරු රැගත් මැර පිරිසක් සබරගමුව විශ්වවිද්‍යාලයේ අඛන්ඩ සත්‍යග්‍රාහයට පහර දී අට්ටාලයට ගිනි තබා පලා ගොස් තිබේ. 

පුල්පේස් හෙල්මට් හා රෙදිවලින් මුහුණු ආවරනය කරගත් මෙම මැර පිරිස පැය භාගයක පමණ කාලයක් සිසුන්ට පහර දි ඇත. සිසුන් සිටි අට්ටාලයට පැට්‍රල් බෝම්භ ප්‍රහාරයක් එල්ල කර තිබෙන අතර අට්ටාලයේ සිටි සිසුන් 4 දෙනා පැන දිවි බේරාගෙන තිබේ.මේ වන විට සිසුන් 12 දෙනෙක් තුවාල ලබා රෝහල් ගත් කර තිබේ.  මැරයන් සිසුන්ට පහර දී පොලිස් මුරපොල ඉදිරියෙන්ම පලා ගොස් තිබෙන අතර සිසුන්ට පහර දී පලා යන තුරුම පොලිසිය කිසිදු ආකාරයේ මැදිහත් වී නොමැත. 

මෙම ම්ලේච්ච ප්‍රහාරය රාජ්‍ය ත්‍රස්තවාදයේ තවත් එක් අවස්තාවක් නිරූපනය කරනු ලබන අතර එය මුලුමනින්ම රාජ්‍ය ආරක්ෂක අංශ වල මැදිහත් විමේන්  සිදු කොට ඇති බව පැහැදිලිය. ඇමති දිසානායක "අපි මේවට ජන්දෙ නැත්නම් සලකන හැටි දන්නවා" යැයි කියමින් කරන ලද ප්‍රකාශයද, 9 වන දින ආණ්ඩුවට සම්බන්ද ගමේ මැරයන් කිහිප දෙනෙකු පැමිණ"අට්ටාලය ඉවත් කරගන්න නැත්නම් ගිනි තියනවා" යැයි කරන ලද තර්ජනයද පොලිසිය මෙම ප්‍රහාරයට ඉඩ දී බලා සිටීමද, තුලින් ප්‍රකාශ වන්නේ ඊට ඇති ආණ්ඩුවේ සෘජු සම්බන්දයයි. ඒ අනුව රාජපක්ෂ ආණ්ඩුව හා එහි ආරක්ෂක අංශ මෙම ප්‍රහාරයට සෘජුවම වගකිය යුතුය. එසේම ප්‍රජාතන්ත්‍රවාදය හා නිදහස අගයන සියලු පුරවැසියන් මෙවැනි මිලේච්ච ප්‍රහාරයන්ට හා මිනිමරු ආණ්ඩුවට එරෙහිව පෙල ගැසියයුතුය.













අනෙක් අයටත් බලන්න ශෙයා කරන්න >>>