Featured Posts Coolbthemes

Stay Connected

අඛණ්ඩ උපවාසය අද(22) දෙවැනි දිනයටත් ක්‍රියාත්මකයි

මාලඹේ සයිටම් හොර උපාධි කඩය අහෝසි කිරීමට බලකරමින් සයිටම් විරෝධී සිසු ජන ව්‍යාපාරය විසින් කොටුව දුම්රියපොළ ඉදිරිපිට ආරම්බ කරන ලද අඛණ්ඩ උපවාසය අද(22) දෙවැනි දිනයටත් ක්‍රියාත්මකයි.




සයිටම් අහෝසි කිරීමට බලකෙරෙන අඛණ්ඩ උපවාසය කොළඹදී අරඹයි



නිදහස් අධ්‍යාපනයත් නිදහස් සෞඛ්‍යයත් වනසන සයිටම් අහෝසි කරනු අඛණ්ඩ උපවාසය කොළඹ කොටුව දුම්රිය ස්ථානය ඉදිරිපිට අද(21) අරම්බකරන ලදී. එම අවස්ථාව සදහා වෘත්තීය සමිති, විශ්වවිද්‍යාල ආචාර්යවරු, බහුජන සංවිධාන රැසක්  සම්බන්දවිය. 

රුහුණ විශ්වවිද්‍යාලයීය මහා ශිෂ්‍ය සංගමයේ ලේකම්ට වසර දෙකක පන්ති තහනමක්


රුහුණ විශ්වවිද්‍යාලයීය මහා ශිෂ්‍ය සංගමයේ ලේකම් තාරක සඳරුවන් සහෝදරයා උද්ගෝෂණයක් අතරතුර පිරිස ආමන්ත්‍රණය කරමින් නියෝජ්‍ය උපකුලපතිවරයාට චෝදනා කරමින් සිදු කරන ලද ප්‍රකාශයක් පදනම් කරගනිමින් වසර දෙකක පන්ති තහනමක් පැනවීමට පාලනාධිකාරිය කටයුතු කර ඇති බව වාර්තා වේ.

 ඒ අනුව ඊයේ(18) දිනයේ සිට තවත් වසර දෙකක් යනතුරු ඔහුට විශ්වවිද්‍යාල භූමියට ප්‍රවේශ වීම තහනම කර ඇති අතර විශ්වවිද්‍යාල ශිෂ්‍යයෙකු සතු සියළු අයිතිවාසිකම් ද අහිමි කර ඇත. මේ වන විට ඔහු තෙවන වසර දෙවන සාමාසික අවසන් විභාගයට මුහුණ දෙමින් සිටින අතර ඒ සඳහා ඉදිරිපත් වීමද මේ අනුව වලක්වා ඇත. 

කෙසේ වෙතත් පාලනාධිකාරිය ගැටළු විසදීම පසෙකලා අයිතිවාසිකම් වෙනුවෙන් අරගල කරන සිසු නායකයින් මර්දනය කිරීමට කටයුතු කරන බව මෙවැනි සිදුවීම් හරහා පැහැදිලිව දැකගත හැක.

පේරාදෙණියේ සිසුන් සෞඛ්‍ය අමාත්‍යාංශය ඉදිරිපිටදී විරෝධතාවයක


පේරාදෙණිය විශ්වවිද්‍යාලයේ මහා ශිෂ්‍ය සංගමය විසින් සමසෞඛ්‍ය විද්‍යා පීඨ සිසුට නුවර, පේරාදෙණිය හා සිරිමාවෝ යන රෝහල්වල සායනික පුහුණුව ලබාදෙන ලෙස බලකරමින් අද(18) සෞඛ්‍ය අමාත්‍යාංශය ඉදිරිපිටදී විරෝධතාවයක නිරතවිය.

වෛද්‍ය පීඨ ශිෂ්‍ය ක්‍රියාකාරී කමිටුවේ කැදවුම්කරු රයන් ජයලත් 23 දක්වා රක්ෂිත බන්ධනාගාරයට


වෛද්‍ය පීඨ ශිෂ්‍ය ක්‍රියාකාරී කමිටුවේ කැදවුම්කරු රයන් ජයලත් අගෝස්තු 23වන දින දක්වා රක්ෂිත බන්ධනාගාර ගත කිරීමට අද(18) දින මාලිගාකන්ද මහේස්ත්‍රාත් දුලානි එස් වීරතුංග නියෝග කරන ලදි.
සයිටම් අායතනය අහෝසි කරන ලෙස අාණ්ඩුවට බලකරමින් ජූනි මස 21 වැනිදා පැවති ශිෂ්‍ය විරෝධතාවයේදී සෞඛ්‍ය අමාත්‍යංශයට බලෙන් ඇතුළු වී එහි දේපල වලට රුපියල් ලක්ෂ 9කට ආසන්න අලාභානියක් සිදු කළ බවට සෞඛ්‍ය ලේකම්වරයා ඉදිරිපත්කර තිබු පැමිණිල්ලක් මත කැදවනු ලැබූ නඩුවේදී රයන් ජයලත් මෙසේ රක්ෂිත බන්ධනාගාර ගත කරන ලදී. රයන් ජයලත් ඇතළු ශිෂ්‍ය ක්‍රියාකාරින් 8 දෙනෙකු මෙලෙස විත්තිකරුවන් ලෙස නම් කර තිබූ අතර ඒ මින් පෙර අ.වී.ශි.බ.ම. කැදවුකරු ඇතුළු සිසු ක්‍රියාකාරීන් 5දෙනෙකු අත්අඩංගුවට ගෙන දින 40කට අධික කාලයක් රක්ෂිත බන්ධනාගාර ගත කර තිබුණි

සයිටම් අහෝසි කරනු! සිසු ජන සමුළුව අද නුගේගොඩදී.

 නිදහස් අධ්‍යාපනයත් නිදහස් සෞඛ්‍යත් වනසන මාලඹේ සයිටම් හොර උපාධි කඩය අහෝසි කරන ලෙස බලකරන සිසු ජන සමුළුව අද සවස 03ට නුගේගොඩ ආනන්ද සමරකෝන් එළිමහන් රංග පිඨයේදී සංවිධානය කර ඇත.සයිටම් විරෝධී සිසු ජන ව්‍යාපාරය විසින් සංවිධානය කරන මෙම සමුළුව සඳහා වෛද්‍ය සංගම් ගුරු සංගම් ඇතුළු වෘත්තීය සමිති විශාල ප්‍රමාණයක් සහ සිවිල් සංවිධාන විශාල ප්‍රමාණයක් සම්බන්ද වීමට නියමිතය.

නෙවිල් ප්‍රනාන්දු රෝහලේ මගඩිය එලියට


අාණ්ඩුව විසින් මහත් ප්‍රචාරයක් ලබාෙදමින් නෙවිල් ප්‍රනාන්දු රෝහල රජයට පවරාගන්නා ලද බව කියමින් අත්සන් කල ගිවිසුම කිසිදු නෛතික වටිනාකමක් නැති සැරසිලි ලියැවිල්ලක් බව හෙළි වී තිබේ.

පහත පළ වන්නේ අාණ්ඩුව විසින් රෝහල පවරාගන්නා ලද බව කී  ඒම ගිවිසුමේ පිටපතකි.